Avropada keçirilən “İlin Avtomobili 2026” müsabiqəsinin finalistləri rəsmi olaraq elan edilib. Siyahıda yeddi iddialı model yer alır və qalib model yanvar ayında açıqlanacaq.
 

“İlin Avtomobili 2026” finalistləri

Münsiflər heyəti tərəfindən müəyyən edilən 7 avtomobillik final siyahısı aşağıdakı modellərdən ibarətdir:

Citroën C5 Aircross

Dacia Bigster

Fiat Grande Panda

Kia EV4

Mercedes-Benz CLA

Renault 4

Skoda Elroq
 

Bu avtomobillər, 23 Avropa ölkəsindən 60 münsif üzvünün səsverməsi ilə qiymətləndiriləcək.
 

Qalib nə vaxt açıqlanacaq?
 

Böyük mükafatı qazanacaq avtomobil, 9 Yanvar 2026 tarixində Brüssel Beynəlxalq Avtomobil Sərgisində keçiriləcək mərasimdə elan olunacaq.
 

Keçən il kim qalib olmuşdu?

Avropada “İlin Avtomobili 2025” mükafatını isə Renault 5 / Alpine A290 modelləri qazanmışdı. Bu mükafat da 10 Yanvar 2025 tarixində Brüsseldə açıqlanmışdı.