Texnologiya nəhəngi Apple-ın yaxın gələcəkdə təqdim etməyə hazırlaşdığı cihazlarla bağlı önəmli məlumatlar ortaya çıxıb. Bloombergdən Mark Gurman, Apple-ın yeni məhsulları və 2026 yol xəritəsi ilə bağlı ətraflı siyahı paylaşıb. Görünür ki, şirkət 2025-ci ili yeni Apple TV və HomePod mini ilə bitirməyə hazırlaşır.
 

Apple-ın yeni məhsulları 2026-da gəlir
 

Əsl həyəcanverici yeniliklər isə 2026-cı il üçün planlaşdırılıb. Gurman-ın iddialarına görə:

iPhone 17e

A18 prosessorlu 12-ci nəsil iPad

M4 prosessorlu iPad Air

M5 prosessorlu MacBook Air

modelləri təqdim olunacaq. Eyni zamanda ilin gedişində M5 Pro və M5 Max prosessorlu yeni MacBook Pro modellərini də görəcəyik.
 

Qatlanabilən iPhone və ağıllı ev cihazı
 

2026-cı ilin diqqət çəkən yenilikləri bununla məhdudlaşmır. Apple-ın ağıllı evlərin mərkəzinə yerləşəcək ekranlı cihaz üzərində çalışdığı bildirilir. Eyni zamanda, sentyabr ayında iPhone 18 ailəsi, ilk qatlanabilən iPhone modeli və yeni Apple Watch seriyası istifadəçilərlə görüşəcək.
 

OLED iPad mini və yeni monitorlar

M5 prosessorlu Mac mini,

Yeni Mac Studio

OLED ekranlı iPad mini

modellərinin də 2026-cı ildə təqdim olunması gözlənilir. Apple-ın 2026-cı ildə yeni monitor modelləri çıxaracağı isə demək olar ki, dəqiqləşib. Bundan əlavə, şirkətin toxunma OLED ekranlı MacBook Pro və ağıllı eynək üzərində də aktiv işlədiyi bildirilir.