NATO “Palantir”dən SZ əsaslı hərbi sistem alıb

28.04.2025 17:40

NATO ABŞ-nin proqram təminatı şirkəti “Palantir Technologies”dən Süni Zəka (SZ) ilə işləyən döyüş idarəetmə sistemi alıb.

TED.az xəbər verir ki, bu barədə “Financial Times” məlumat yayıb.

Satınalma ABŞ-nin Avropada təhlükəsizlik öhdəlikləri ilə bağlı qeyri-müəyyənliyin artdığı və Çin kimi rəqib ölkələrin SZ əsaslı hərbi imkanlarını sürətlə inkişaf etdirdiyi bir vaxta təsadüf edir.

Sözügedən sistem “Palantir”in “Maven Smart System – MSS NATO” adlı xüsusi proqram təminatıdır.

Maşın öyrənmə, generativ SZ və böyük dil modelləri kimi texnologiyalarla təchiz edilən bu sistem NATO əməliyyatlarında qərar qəbul etmə proseslərinə dəstək olmaq və döyüş meydanında məlumatlılığı artırmaq üçün istifadə olunacaq.

NATO rəsmiləri sistemin komandirləri ümumi, təhlükəsiz əməliyyat qabiliyyəti ilə təmin edəcəyini və növbəti 30 gün ərzində fəaliyyətə başlayacağını bildiriblər.

Çap et