Hyundai özünün yeni elektrik SUV modeli Elexio-nu təqdim edib. Avtomobil innovativ xüsusiyyətləri ilə diqqəti cəlb edir.

Hyundai yeni modeli ilə elektrikli avtomobillər sırasını genişləndirir. Şirkət Şanxayda IONIQ seriyasından müstəqil olaraq hazırlanmış və yalnız Çin bazarı üçün nəzərdə tutulmuş yeni elektrik yolsuzluq avtomobili Elexio modelini təqdim etdi.

Yeni model Çində Pekin Hyundai ilə ortaq şəkildə istehsal olunacaq. Elexio, brendin indiki IONIQ modellərindən fərqli dizayn yanaşması ilə yollara çıxmağa hazırlaşır. Ön hissədə dörd moduldan ibarət nazik LED fənərlər olduğu halda, aşağı hissədə geniş LED işıq zolağı və idman detalları olan bamper diqqəti cəlb edir.

Elexionun yan profili də göz oxşayan detallarla təchiz olunub. Geniş qanadlar, iki rəngli təkərlər və arxaya doğru düz yamacla aşağıya enən dam xətti modelə orijinal xarakter verir. Gövdəyə uyğun sütunlarla birlikdə istifadə edilən gizli qapı tutacaqları da dizayn bütövlüyünü tamamlayır.

Arxa hissədə daha dinamik dizayn dili qəbul edilib. D sütununun davamında yerləşən dizayn arxa faralar ilə birləşərək fasiləsiz işıq xətti yaradır. Bu bölmədə şüşə səthi LED arxa fənərləri arasında yerləşdirilib, baqajın qapağının ortasında isə böyük şriftlərdə "Elexio" sözü görünür.

Hyundai Elexio markanın elektrik modellərində üstünlük verdiyi E-GMP platforması üzərində qurulub. Batareyanın tutumu kimi texniki detallar hələ açıqlanmayıb. Bununla belə, Çində qüvvədə olan CLTC test normalarına görə, avtomobilin 700 kilometrə qədər sürmə məsafəsi təklif edəcəyi paylaşıldı.