Silikon Vadisinin texnologiyanın qabaqcılları olan nəhəng şirkətlərin mərkəzi olduğunu söyləyə bilərik. Etiraf edək ki, böyük şirkətlərin yer aldığı bu məkanın adı ilk baxışda bir qədər qəribə görünə bilər.

Adındakı silikon termini nə məna verə bilər?

Silikon Vadisi "Qəlbin Ləzzəti Vadisi" kimi tanınırdı.

Silikon Vadisinin hazırkı forması 1950-ci illərə təsadüf edir. O dövrdə San-Fransisko körfəzinin cənub hissəsi "Ürək ləzzətləri vadisi" adlanırdı. Bu ad ordakı çoxsaylı meyvə bağlarından və yetişən meyvələrdən alıb.

Lakin 1950-ci illərdə silikon çip istehsalçıları və novatorlar bölgəyə axın etməyə başladılar. Silikon çiplər yarımkeçiricilər sənayesinin vacib komponenti idi və o dövrdə kompüterlərdə, cip telefonlarında, printerlərdə, oyun cihazlarında və hətta kalkulyatorlarda istifadə olunurdu.

Bəs Silikon Vadisi adı necə yaranıb?

Silikon çip sənayesi bölgədə inkişaf etsə də, Silikon Vadisi adı rəsmi olaraq təxminən 20 il sonra ortaya çıxdı. Ancaq bu adın kim tərəfindən qoyulduğu hələ də məlum deyil.

Don Hoefler, 1971-ci ildə Electronic News bülletenində Silikon Vadisinin yarımkeçirici sənayesi haqqında bir köşə yazaraq adı populyarlaşdırmağa başladı.

Hoeflerin həmkarı Ceyms Vinklerin dediyinə görə, Hoefler bu termini ilk dəfə nahar zamanı bir satıcıdan eşitmişdir. 

Adı necə yayıldı?

Növbəti üç həftə ərzində Hoefler silikon kompüter çipləri sənayesi haqqında bir sıra məqalələr yazdı. Hər bir məqalə “Silikon Vadisi ABŞ” başlığı ilə dərc edilirdi. Beləcə bu ad tez bir zamanda qəbul edildi.

Hoefler nəinki Silikon Vadisi adını populyarlaşdırdı, həm də Şimali Kaliforniya texnologiya sənayesini fərqli bir cəmiyyət kimi qəbul edən ilk yazarlardan biri oldu.

Müəllif Michael S. Malone deyir ki, Hoeflerin 1970-ci illərdə Silikon Vadisini əhatə edən yazıları regionun innovativ keyfiyyətlərinin inkişafında əsas rol oynayıb.