“Birbank” bu baharı müştəriləri üçün unudulmaz edir. Belə ki, 2025-ci il 11 mart-15 may tarixləri arasında “Birbank”da onlayn kanallardan nağd kredit və ya kredit kartı əldə edən müştərilər stimullaşdırıcı “Birbank Bahar Lotereyası”na qoşulurlar.

Lotereyada iştirak etmək üçün m10 tətbiqindən nağd pul krediti, eləcə də “Birbank” tətbiqindən və ya “birbank.az”, “kapitalbank.az”dan nağd pul krediti, “Birbank Star” kredit kartı və ya istənilən “Birbank” taksit kartı, “Umico.az”dan isə kredit əldə etmək kifayətdir.

Lotereyanın şərtlərinə əsasən, rəsmiləşdirilən hər 1000 manat məbləğə görə müştəri 1 şans qazanır. Eyni anda bir neçə kredit və ya kart rəsmiləşdirən müştərilər isə məhsulların hər biri üçün ayrıca iştirak şansı əldə edirlər. Bundan əlavə, “Umico” onlayn satış platformasında lotereya dövründə əldə edilən “Umico.az”dan kredit, “Birbank Star” və ya “Birbank” taksit kartları ilə edilən hər 1000 manatlıq alış-veriş əlavə bir şans qazandırır.

Lotereyanın yekununda minlərlə şanslı müştəridən yalnız 100 nəfəri qalib adına layiq olacaq. Onlardan 45 nəfər “Bravo” marketdən 50 manatlıq kupon, 25 nəfər “Kontakt Home”dan 200 manatlıq hədiyyə kartı, 15 nəfər “PAŞA Travel”dan 300 manat dəyərində ölkədaxili səyahət paketi, 10 nəfər “Apple Watch Series 8”, 4 nəfər “iPhone 16 Pro” mobil telefonu qazanacaq. 1 nəfər isə lotereyanın superprizi “Toyota Corolla” avtomobilini əldə edəcək.

Lotereyanın tirajı 2025-ci il 5 iyun tarixində keçiriləcək. Qaliblər təsadüfi seçim əsasında müəyyən ediləcək. Seçim prosesi “Birbank”ın rəsmi sosial media hesablarında canlı yayımlanacaq.

Ətraflı məlumat üçün: b-b.az/blpr

Daim ən son rəqəmsal yeniliklər və bank məhsulları təqdim edən “Birbank” 3 milyondan çox aktiv istifadəçisi olan mobil tətbiqi, 119 filialı və 54 şöbəsindən ibarət Azərbaycanda ən böyük filial şəbəkəsi ilə müştərilərinin xidmətindədir. Bank 2025-ci ilədək ölkənin birinci bankı “Kapital Bank” adı altında müştərilərinə xidmət göstərib və “PAŞA Holdinq”ə daxildir. “Kapital Bank” isə hazırda maliyyə institutu olaraq fəaliyyətini davam etdirir. Bankın məhsul və xidmətləri barədə daha ətraflı məlumat almaq üçün https://birbank.az/ saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.