Yeni nəsil Xbox konsolu artıq rəsmi şəkildə təsdiqlənib və yaxın illərdə oyun dünyasında böyük dəyişiklik yaradacağı gözlənilir. Microsoft Gaming-in CEO-su Fil Spenser, uzun müddətdir davam edən qeyri-müəyyənliyə son qoyaraq, yeni Xbox konsolunun gələcəyinə dair açıq bəyanat verib. Şirkət Xbox markasının öz istehsalı olan yüksək performanslı konsol xəttini davam etdirəcəyini təsdiqləyib.
 

Yeni Xbox rəsmiləşdi
 

Əvvəllər Xbox prezidenti Sara Bond, gələcəyə yönəlik yeni nəsil donanımlar üzərində işlədiklərini bildirmişdi. İndi isə Fil Spenser, Famitsu nəşrinə verdiyi müsahibədə Xbox Series X|S-dən sonra gələcək növbəti nəsil konsolun tam olaraq Microsoft-un öz mühəndis komandası tərəfindən hazırlanacağını açıq şəkildə bildirib.

Bu açıqlama ilə Microsoft-un Asus ilə əməkdaşlıq çərçivəsində yeni nəsil Xbox-un başqa istehsalçı tərəfindən hazırlana biləcəyi barədə yayılan şayiələrə son qoyuldu.

Spenser əlavə edib ki, Asus tərəfindən hazırlanmış ROG Ally seriyası Xbox ekosisteminə daxil olsa da, yeni nəsil əsas Xbox konsolu yalnız Microsoft tərəfindən hazırlanacaq. Yəni konsol üçüncü tərəf dizaynı olmayacaq.
 

Gözlənilən çıxış tarixi və texnologiya

Əldə olunan məlumatlara görə:

Yeni Xbox-un 2027-ci ildə satışa çıxarılması gözlənilir.

Microsoft-un həmin vaxta qədər əl konsolu (handheld) kateqoriyasında öz brendi altında yeni bir əsas cihaz təqdim etməsi ehtimalı azdır.
 

Rəqabət vəziyyəti
 

Rəqib şirkət Sony-nin də eyni dövrdə həm daşınabilir, həm də klassik konsol üzərində paralel olaraq işlədiyi məlumdur. Həm Xbox-un, həm də PS6 konsolunun AMD ilə birgə hazırlanmış xüsusi APU prosessorları ilə təchiz olunacağı qeyd edilir.

Bu addımla Microsoft oyun sənayesində gücünü qorumağı və növbəti nəsil oyun dünyasında lider olmaq niyyətini açıq şəkildə nümayiş etdirir.