Xiaomi 17 Air modeli tezliklə təqdim olunacaq. Cihaz dizayn baxımından böyük fərq yarada bilər. Samsung Galaxy S26 Edge və iPhone Air kimi incəliyə fokuslanan smartfonların bazarda yer tutmasından sonra, Xiaomi də ultra incə model ilə səhnəyə çıxır. Şirkət, Xiaomi 17 Air adını daşıyan bu yeni smartfonu ilin sonuna qədər satışa çıxarmağı planlaşdırır.

Mənbələr bildirir ki, bu cihaz istehlakçı marağını tam şəkildə cəlb edə bilməsə də, yüksək qiymət etiketinə sahib ultra incə telefonlar digər istehsalçıları da eyni trenda qoşulmağa sövq edib.

Xiaomi 17 Air modelinin texniki detalları artıq bəlli olmağa başlayıb. Telefon yalnız 6 mm qalınlıq ilə diqqət çəkir. Cihazda 6,6 düym ölçülü və 1,5K çözünürlüklü ekran yer alır. Kamera xüsusiyyətlərinə gəldikdə isə, cihaz 200 MP çözünürlüklü əsas kamera ilə təchiz olunub. Vacib bir detal olaraq, Xiaomi 17 Air yalnız eSIM dəstəyi ilə təqdim ediləcək.

İPhone Air modelinin bazara çıxması ilə ultra incə telefon kateqoriyasında balans dəyişmişdi. Xiaomi 17 Air-in bu kateqoriyaya qatılması ilə bazardakı rəqabət daha da artacaq. Mənbələr əlavə edir ki, Xiaomi-dən başqa, adı açıqlanmayan bir Çinli lider istehsalçı da yaxın zamanda ultra incə smartfonunu təqdim edəcək.

Beləliklə, istehlakçıların qarşısına çıxacaq ultra incə model sayı dördədək yüksəlir. Bu cihazların ortaq mənfi tərəfləri – qısa istifadə müddəti və yüksək qiymət – ilə bağlı hansı həll yollarını təqdim edəcəyi isə artıq maraq doğurur.