Noyabrda Azərbaycan mobil telefon bazarında öz yerini daha da möhkəmləndirən “Samsung” şirkəti alıcılarını sevindirməyə davam edir.

“TEDfon” rubrikasında texnologiya şirkətinin ən uğurlu smartfon modellərindən olan “Samsung Galaxy Note 10 (SM-N970)” telefonunu araşdırmışıq.

TED.az sözügedən modelin qiymət və özəlliklərini təqdim edir:

“Samsung Galaxy Note 10 (SM-N970)”

Smartfonun geniş ekranı sayəsində film, oyun kimi əyləncələr daha çox maraq yaradır. Model 6,3 düym genişliyə malik ekranı ilə istifadəçilərə yüksək səviyyəli görüntü təqdim edir. İkili kamera sistemi mobil fotoqrafiya həvəskarları üçün ideal seçimdir.

256 GB daxili, 8 GB operativ yaddaşı olan cihaz dizayn və texniki özəllikləri ilə yeni nəsil ağıllı telefonlar arasında önə çıxır. Yaddaş həcmi, batareya gücü, 2 SİM girişi və s. xüsusiyyətləri və sərfəli qiyməti ilə bu telefon həm iş, həm də gündəlik istifadə üçün ideal variantdır.

168 qram çəkisi ilə olduqca ələyatımlı olan cihazın əsas kamerası 16 Mp görüntü keyfiyyəti təqdim edir. 10 Mp ölçüyə malik ön kamera istifadəçiyə keyfiyyətli “selfie” çəkilişində ideal köməkçidir.

Android əməliyyat sisteminin Android 9.0 (Pie) versiyası ilə çalışan telefon Octa-core (2x2.73GHz&2x2.4GHz&4x1.9GHz) prosessoruna, 3500 mAs batareya tutumuna malikdir. Suyadavamlı cihazın barmaq izi oxuyucusu, 3G, 4G, GPS və NFC texnologiyaları da mövcuddur.

Telefon Kontakt Home mağazalar şəbəkəsində 1 illik zəmanətlə 2099,99 manata təklif olunur.

Bundan başqa, mağaza mobil cihazı 6-18 aylıq kreditlə də müştərilərə təqdim edir. Bütün kredit seçimlərində 460 manat ilkin ödəniş nəzərdə tutulub. 6-9 aylıq kreditlərdə faiz hesablanmasa da, 15-18 aylıq kreditlərdə müəyyən faiz əlavə edilir. Bundan başqa, kreditlə satış zamanı rəsmiləşdirmə işləri üçün 5-8 faiz xidmət haqqı tutulur.

Məhsul kreditlə satılan zaman sistemdə yuvarlaqlaşdırma tətbiq olunduğuna görə ümumi qiymətdə fərq yarana bilər.

Sözügedən telefon Optimal Electronics-də 2099 manatdır. Bundan başqa, Birkart istifadəçilərinə özəl 18 ayadək faizsiz kredit kampaniyası mövcuddur.

Mağazada, həmçinin pulsuz çatdırılma xidməti təklif olunur.

İrşad Electronics-in saytında da bu telefon müştərilərə 2099 manata satılır. Eyni zamanda, Albalıkart və Birkart istifadəçilərinə smartfon 18 aylıq ilkin ödənişsiz, faizsiz kreditlə təklif edilir.

Digər müştərilər isə telefonu 6-12 aylıq ilkin ödənişsiz, faizsiz kreditlə əldə edə bilərlər. 18 aylıq kreditdən yararlananlar üçün isə müəyyən faiz hesablanır.

Məhsulun rəsmiləşdirilməsi zamanı 5-15% komissiya məbləği tələb oluna bilər. Müştərilər, həmçinin pulsuz çatdırılma xidmətindən yararlana bilərlər.

Baku Electronics-in saytında sözügedən telefon alıcılara 2099 manata təklif edilir.

Əlavə olaraq müştərilər smartfonu faizsiz 12 aylıq kredit şərti ilə də əldə edə bilərlər.

Maxi.az-da sözügedən model 2099 manata satılır. Mağazada 2-24 aylıq müxtəlif şərtli kredit xidməti də var. Bundan başqa, alıcılar bu telefonu əldə etdikləri zaman 41,98 manat dəyərində bonus əldə edəcəklər.

Cavid QƏDİR