“Bentley” tarixindəki ən uğurlu yarış avtomobili olan “Speed Six”i yenidən təqdim edib.

TED.az xarici mediaya istinadla bildirir ki, “Speed Six” 1928-ci ildə yaradılıb, lakin istehsal xəttindən yalnız 1930-cu ildə çıxıb. “Bentley” məhdud sayda 12 yarış avtomobili buraxacaq. Onlar artıq satılıb.

Bildirilir ki, yeni məhsul orijinal çertyojlara uyğun yaradılıb. Bundan əlavə, marka iki orijinal avtomobili indiyədək özündə saxlaya bilib. Bu, dizaynerlərə komponentlərin ölçülərini və materiallarını yoxlamağı asanlaşdırır. “Speed Six”i yaratmaq üçün şirkət mühəndislərinə demək olar ki, bir il vaxt lazımdır.